A diversidade biolóxica mais coñecida como biodiversidade é a variabilidade entre os organismos vivos que forman parte de todos os ecosistemas terrestres e acuáticos. Inclúe a diversidade xenética dentro dunha mesma especie, entre especies e entre ecosistema. As especies son as diferentes clases de vexetais, animais e microorganismos que poboan a Terra.

A través de miles de millóns de anos apareceron novas especies, mentres que aquelas que non puideron adaptarse aos continuos cambios das condicións ambientais extinguíronse. Este proceso xerou un dos recursos máis valiosos do planeta: a biodiversidade. Desde fai décadas ven observando a nivel mundial e europeo unha redución considerable da diversidade biolóxica como consecuencia de determinadas actividades humanas (contaminación, deforestación, etc.). Esta situación é preocupante xa que a diversidade é esencial para manter a viabilidade a longo prazo da agricultura e a pesca, e constitúe a base de numerosos procesos industriais e da fabricación de medicamentos novos.