O Dereito ambiental é un Dereito en evolución constante, onde o lexislador busca a adecuación ao cambio da realidade e á demanda social, que esixe accións dos poderes públicos fronte á deterioro do noso planeta. A normativa de contido ambiental atópase dispersa en diferentes ordenamentos (comunitario, estatal e autonómico) e é tremendamente sectorial sen un enfoque integrado. Nos últimos anos desenvolvéronse un conxunto de leis que afectan á protección do medio, lexislación para protexer os espazos naturais, lexislación para a xestión dos residuos, instrumentos para a redución dos gases invernadoiro, etc. A lexislación ambiental intenta preservar o principio de "quen contamina paga", e o de "precaución". Para establecer as diferentes normas e os límites de emisión utilízanse os límites que establecen as Mellores Tecnoloxías Dispoñibles (MTD).